રોજ એ જગથી કશું જૂદું જ કરવા જાય છે,
ગોલ્ફના મેદાનમાં બિલિયર્ડ રમવા જાય છે.
ગોલ્ફના મેદાનમાં બિલિયર્ડ રમવા જાય છે.
હું કદી એને શિખામણ કે સલાહ આપું નહીં,
કે વધુ બગડે છે એ જ્યારે સુધરવા જાય છે.
કે વધુ બગડે છે એ જ્યારે સુધરવા જાય છે.
ત્રણ વેળા એક પિક્ચર એ જૂએ છે મોજથી,
જાય છે ચોથી વખત ત્યારે સમજવા જાય છે.
જાય છે ચોથી વખત ત્યારે સમજવા જાય છે.
આમ ઝઘડાળુ નથી પણ ખાય છે દરરોજ માર,
બે જણા ઝઘડે છે ત્યારે વચ્ચે પડવા જાય છે.
બે જણા ઝઘડે છે ત્યારે વચ્ચે પડવા જાય છે.
એ રહે મૂડલેશ એ સાહિત્ય જગનાં હિતમાં છે,
મૂડમાં આવે છે ત્યારે કાવ્ય લખવા જાય છે.
મૂડમાં આવે છે ત્યારે કાવ્ય લખવા જાય છે.
પ્રેમ પ્રાણીમાત્ર પર છે એને એ દર્શાવવા,
શાંત સૂતા આખલાને એ અડકવા જાય છે.
શાંત સૂતા આખલાને એ અડકવા જાય છે.
-ડૉ.રઈશ મનીઆર
